ՓԱՌԱՏՈՆԻ ՀՈՎԱՆԻ

Երևան, 25 մարտի 2016թ.

«ԵՐԵՎԱՆՅԱՆ ՀԵՌԱՆԿԱՐՆԵՐ»

ՓԱՌԱՏՈՆԻ 15-ԱՄՅԱԿԻ ԱՌԹԻՎ

Ջերմորեն շնորհավորում եմ «Երևանյան հեռանկարներ» միջազգային երաժշտա­կան փառատոնի աշխատակազմին և ողջ երաժշտասեր հանրությանը փառատոնի 15-ամյակի կապակցությամբ:

«Երևանյան հեռանկարները» նոր էջ բացեց անկախ Հայաստանի պատմության մեջ՝ մեր երկիրը դասելով աշխարհի երաժշտական հսկաների շարքին:

 Ձևավորված յուրահատուկ ստեղծագործական միջավայրը և ստեղծված հնարավորությունները հզոր խթան դարձան մեր կայացած երիտասարդ երաժիշտն­երի միջազգային առաջխաղացման համար: Առաջին անգամ մեր երկրում հանդես եկան աշխարհի լավագույն կատարողական ուժերը՝ նվագախմբեր, դիրիժորներ, մենակատարներ և կոմպոզիտորներ, որոնց այցերը բացառիկ էին նաև ողջ տարածաշրջանի համար:

Մշակույթը մեր երկրի համար ռազմավարական ոլորտ է, որի հզորացման մեջ մեծ է «Երևանյան հեռանկարներ» երաժշտական փառատոնի ներդրումը: Այն դարձավ մեր երկրի խորհրդանիշներից մեկը, որով առավել ճանաչվեց Հայաստանը, և կարճ ժամանակահատվածում շատերի համար սիրելի դարձավ:

Առանձնահատուկ շնորհավորում եմ փառատոնի հիմնադիր և գեղարվեստական ղեկավար, կոմպոզիտոր Ստեփան Ռոստոմյանին նշանակալի տարեդարձի կապակցությամբ, մաղթում նորանոր նվաճումներ` ի փառս Հայաստանի և հայ մշակույթի:

ՍԵՐԺ ՍԱՐԳՍՅԱՆ