YerevanFest Logo

ՆՈՐՈՒԹՅՈՒՆՆԵՐ



Ապրիլի 24-ին «Երևանյան հեռանկարներ միջազգային երաժշտական փառատոն»-ի գլխավոր մենեջեր Սոնա Հովհաննիսյանը հեռահար ճեպազրույց է ունեցել մեր օրերի մեծագույն դաշնակահար Եվգենի Կիսինի հետ:

Հրավիրում ենք դիտելու ճեպազրույցը ռուսերենով: 

2020 ԱՊՐԻԼ 24

ԿԱՐԴԱԼ ԱՎԵԼԻՆ

Հանրապետության նախագահ Արմեն Սարգսյանը շարունակում է հեռավար զրույցները Հանրապետության մշակութային, գիտակրթական և ակադեմիական հաստատությունների և կառույցների ղեկավարների, մշակույթի, արվեստի գործիչների հետ։

Նախագահը հեռախոսազրույց է ունեցել կոմպոզիտոր, «Երևանյան հեռանկարներ» միջազգային երաժշտական փառատոնի հիմնադիր նախագահ և գեղարվեստական ղեկավար Ստեփան Ռոստոմյանի հետ: Նախագահ Սարգսյանը հետաքրքրվել է ներկա իրավիճակում կոմպոզիտորի գործունեությամբ, մինչև կորոնավիրուսի համավարակը նախատեսված ծրագրերով և դրանց հետագա ճակատագրով, ինչպես նաև ապագային միտված նախագծերով:

Նախագահն ու արվեստագետն անդրադարձել են «Երևանյան հեռանկարներ» միջազգային երաժշտական փառատոնի հետ կապված հարցերին, հեղինակավոր արվեստագետների ու երաժիշտների հետ համագործակցության հնարավորություններին:

Նախագահ Սարգսյանը հույս է հայտնել, որ իրավիճակի կարգավորումից հետո հնարավոր կլինի բոլոր նախանշված ծրագրերն ու անելիքները կյանքի կոչել, իսկ այս դադարն օգտագործել նոր գործերի ստեղծման ու նոր ծրագրերի ուրվագծման նպատակով:

2020 ԱՊՐԻԼ 10

ԿԱՐԴԱԼ ԱՎԵԼԻՆ

Սիրելի բարեկամներ և հետևորդներ,

Մեր նոր նախաձեռնությունը անչափ կուրախացնի Ձեզ. այսուհետ Փառատոնի Ֆեյսբուքյան էջում հնարավոր կլինի առցանց դիտել ‹‹Երևանյան Հեռանկարներ›› փառատոնի տարբեր տարիների իրադարձային համերգներն ամբողջությամբ: 

Հետևեք ամեն օր և վայելեք: 

 

2020 ՄԱՐՏ 27

ԿԱՐԴԱԼ ԱՎԵԼԻՆ

2017 թվականի մայիսի 3-6-ը Գերմանիայի Դաշնության Վիսբադեն քաղաքում տեղի է ունեցել Եվրոպական փառատոնային ասոցիացիայի վեհաժողովը և արվեստների փառատոների համաժողովը, որին Հայաստանը ներկայացրել է «Երևանյան հեռանկարներ» միջազգային երաժշտական փառատոնի գլխավոր մենեջեր Սոնա Հովհաննիսյանը: Վերջինս ընտրվել էր 250 մասնակիցներից 25-ի շարքում, ում վստահվել է «Քննարկումների» նստաշրջանի վարումը: 
Գագաթաժողովի ընթացքում փառատոնի մասին հինգ րոպեանոց ֆիլմի ցուցադրումը առաջացրել էր սենսացիոն արձագանք:  

 

2017 ՄԱՅԻՍ 07

ԿԱՐԴԱԼ ԱՎԵԼԻՆ

2017 թվականի փետրվարի 23-ին Բելգիայի Թագավորության Բրյուսել քաղաքում կայացավ Եվրոպական միության կրթության, մշակույթի, սպորտի և երիտասարդության կոմիսար Տիբոր Նավրաչիչի ամենամյա բացառիկ կլոր սեղանը` Եվրոպայի առաջատար փառատոների ղեկավարների և արվեստի ոլորտի կարկառուն ներկայացուցիչների  հետ: Արդեն չորրորդ անգամ կարևորագույն այս հանդիպմանը հրավիրվում է մասնակցելու  նաև «Երևանյան հեռանկարներ» 18-րդ միջազգային երաժշտական փառատոնը:

Կոմիսար Նավրաչիչն իր խոսքում նշեց, որ Եվրոպայի ամենահզոր ներուժը մշակույթն է, և այն  պետք է  դրվի Եվրոպայի արտաքին քաղաքականության հիմքում: Այս մոտեցումը կյանքի կոչելու համար կարևոր է լսել հզոր փառատոների գեղարվեստական ղեկավարների կրեատիվ մոտեցումները և առաջարկները: Փառատոների գործունեությունը երկրների կյանքում բերում է կայունություն, փոխընբռնում, տնտեսական առաջընթաց, կրթության և կյանքի որակի աճ: Առանձնահատուկ ծանրակշիռ է փառատոների դիվանագիտական առաքելությունն ու տուրիզմը զարգացնելու անսպառ կարողությունը:

Եվրակոմիսարի կլոր սեղանին ներկա էին Էդինբուրգի 70-ամյա  փառատոնի  գործադիր տնօրեն Յոհաննա Բեյքերը, Լյուբլիանայի 65-րդ փառատոնի և Եվրոպական փառատոնային ասոցիացիայի նախագահ Դարկո Բռլեքը, Բրյուսելի Բոզաղ արվեստների պալատի գլխավոր տնօրեն Փոլ Դյուջաղդենը, «Ստեղծարար Եվրոպա» դրամաշնորհային ծրագրի ղեկավարներից՝ տիկին Բարբարա Գեսլերը և մեկ  այլ տասնյակ կարևոր դերակատարում  ունեցող  գործիչներ:

Հայաստանը, չլինելով Եվրոմիության անդամ երկիր, «Երևանյան հեռանկարներ» փառատոնի շնորհիվ  իր ամբիոնն է ստացել Եվրոպական միության կառավարության շենքում՝ նույն սեղանի շուրջ հավասարը հավասարի նստելով ԵՄ անդամ այլ երկրների հետ: Փառատոնի  գործունեությունը Հայաստանը դարձրեց երաժշտական կյանքի բացարձակ առաջատարի՝ ողջ տարածաշրջանում և ԱՊՀ երկրներում:

Նախօրեին Բրյուսելում տեղի ունեցած հանդիպումների արդյունքում ձեռք բերվեցին մի շարք պայմանավորվածություններ հայկական ջազ, հոգևոր և  դասական ժամանակակից երաժշտության կատարողների ելույթները կազմակերպելու համար, ինչպես նաև հայկական կողմի մասնակցության համար` Արևելյան գործընկերության երկրների գագաթնաժողովի շրջանակներում կազմակերպվելիք համերգներին:

Բրյուսելում քննարկվեց նաև Պաբլո Պիկասոյի քանդակների և նկարների ցուցահանդեսի՝ Հայաստան տեղափոխման հնարավորությունը:

Նշենք, որ 2015 թ.-ին՝ փառատոնի 15-ամյա հոբելյանի կապակցությամբ, Եվրակոմիսար Նավրաչիչը հղել էր շնորհավորական ուղերձ, որում մասնավորապես ասված էր. «Երևանյան հեռանկարներ» փառատոնը Եվրոպայի  առաջատար  փառատոներից մեկն է, որը Հայաստանը հաստատուն կերպով ամրագրեց Եվրոպայի մշակութային և գեղարվեստական քարտեզի վրա»:

«Երևանյան հեռանկարներ» միջազգային երաժշտական փառատոնի հիմնադիր նախագահն ու գեղարվեստական ղեկավարն է  կոմպոզիտոր Ստեփան Ռոստոմյանը:

2017 ՓԵՏՐՎԱՐ 23

ԿԱՐԴԱԼ ԱՎԵԼԻՆ

Սիրելի բարեկամներ,

«Երևանյան հեռանկարներ» միջազգային երաժշտական փառատոնը նշում է իր 15-ամյա հոբելյանը: Մեր երկրի նորագույն պատմության առաջին փառատոնը դարձավ Հայաստանի այցեքարտերից մեկը, որով ճանաչում և սիրում են մեր երկիրը աշխարհի տարբեր ծագերում:

Փառատոն, որը ստեղծվել է առաքելությամբ, իրադարձություն, որի հիմքում ընկած է անսահման նվիրումն ու անմնացորդ ծառայությունը Հայրենիքին, այն մի երևույթ է, որը տեսնում է մարդկության և մեր ազգի Հեռանկարը համերաշխության, միասնության և փոխընբռման մեջ, ինչը խորհրդանշում է փառատոնի տարբերանշանը:

«Հեռանկարները» փոխեց հայ երաժիշտների կյանքը, բացեց դռներ, ստեղծեց համագործակցության լայն հնարավորություններ, ձևավորեց նոր միջավայր: Բազմահազարանոց ունկնդիրների լսարանը, որը կերտվեց փառատոնի իրադարձային համերգների շուրջ, ևս հպարտության առիթներից է:

Փառատոնի բարձրագույն գեղարվեստական մակարդակը և հիմնադրի անզիջում որակային քաղաքականությունը դասեցին «Երևանյան հեռանկարները» Եվրոպայի և աշխարհի լավագույն փառատոների շարքին, իսկ մեր երկիրը դարձավ ողջ տարածաշրջանի, ինչպես նաև ԱՊՀ և նախկին ԽՍՀՄ երկրների մեջ երաժշտական կյանքի բացարձակ առաջատարը: Այն նվագախմբերը և մենակատարները, որոնք այցելեցին Հայաստան, բացարձակապես առաջին անգամ էին ներկայանում այս աշխարհամասում` ամենալայն տարածաշրջանային առումով:

«Երևանյան հեռանկարների» գործունեությունը իր մեծ ազդեցությունն ունի մեր երկրի գրեթե բոլոր ոլորտների վրա. մշակութային և քաղաքական, հասարակական և կրթական, դիվանագիտական և տնտեսական` որպես մշակութային տուրիզմի ամենահզոր խթաններից մեկը:

Փառատոնի սոցիալական էջերում տեղադրվեցին «Հեռանկարներին» ուղղված շնորհավորական ուղերձները, որոնցից առաջինը ստացվել է Բրյուսելից. Փառատոնին իր տեսաուղերձն է հղել Եվրոպայի կրթության, մշակույթի, երիտասարդության և սպորտի հարցերով հանձնակատար` Տիբոր Նավրաչիչը:

«Հեռանկարների» ունկնդիրներն ու երաժշտասերները նույնպես կարող են թողնել իրենց գրառումները Փառատոնի սոցիալական էջերում: 

Շնորհակալություն ենք հայտնում այսքան տարիներ միասին լինելու համար:

2016 ՆՈՅԵՄԲԵՐ 02

ԿԱՐԴԱԼ ԱՎԵԼԻՆ

Անդրես Մուստոնենը արտերկրում հայ երաժշտարվեստի հանրահռչակման գործում ունեցած նշանակալի ավանդի, ինչպես նաև հայ-էստոնական մշակութային կապերի ամրապնդման գործում ունեցած ներդրման համար 14.09.2016-ին պարգևատրվեց ՀՀ մշակույթի նախարարության բարձրագույն պարգևով՝ ոսկե մեդալով:
Հիշեցնենք, որ 2015-ին իրականացվող «Քեզ հետ, Հայաստա՛ն» ծրագրի շրջանակում Անդրես Մուստոնենը Երուսաղեմում և Տալինում իր մասնակցությունը և մեծ ավանդն ունեցավ վերը նշված համերգների կայացման գործում:

2016 ՍԵՊՏԵՄԲԵՐ 14

ԿԱՐԴԱԼ ԱՎԵԼԻՆ

2016 թ. փետրվարի 18-ին Եվրոպական փառատոների ընկերակցությունը (ԵՓԸ) կազմակերպել էր իր երկրորդ կլոր սեղանը ԵՄ կրթության, մշակույթի, երիտասարդության և սպորտի հարցերի նոր հանձնակատար պարոն Թիբոր Նավրաչիչի հետ՝ Արմել օպերային փառատոնի, «Արս էլեկտրոնիկայի», Իռլանդական փառատոնային միջոցառումների ընկերակցության, Բոզաղի, Բուդապեշտի Գարնանային փառատոնի և «Բուդապեշտյան սրճարանի», «Եվրոպալիայի», «Տրայեկտոս» փառատոնի, «Դանսա էն պայսախես ուրբանոս» կազմակերպության, Լյուբլյանայի փառատոնի, Մալթայի փառատոնի, Զագրեբի երաժշտական բիենալեի, Ռավեննայի փառատոնի, «Ռայնգաումյուզիք» փառատոնի, «Ռոմաէուրոպա» փառատոնի, «Սերրալվեսեմֆեստայի», «Թանզիմ օգոստոսի» և «Երևանյան հեռանկարներ» միջազգային երաժշտական ​​փառատոնի մասնակցությամբ: 

Դարկո Բռլեկը (ԵՓԸ նախագահ և Լյուբլյանայի փառատոնի գլխավոր և գեղարվեստական ​​տնօրեն) նշել է, որ իրավիճակը Եվրոպայում բավական տարբեր է այն ժամանակվանից, երբ ԵՓԸ առաջին անգամ հանդիպել է հանձնակատարին: Եվ ողբերգական ժամանակներում, երբ սահմաններ են վերաձևվում, ԵՓԸ շարունակում է իր աշխատանքը՝  կամրջելով դրանք, ինչպես որ միշտ կատարել է։ Օրինակ, նախաձեռնվել են ծրագրեր, որոնք զբաղվում են մի մեծ խումբ փառատոներով, ինչպիսիք է «Եվրոպան փառատոների համար - փառատոները Եվրոպայի համար» (ԵՓՀ) նախաձեռնությունը, ինչպես նաև այլ մայրցամաքների հետ համագործակցության և վերապատրաստման ծրագրերը (Կորեայում, Լիբանանում և Թայլանդում)։ Դարկո Բռլեկը հիշեցրել է, որ մշակույթը, այնուամենայնիվ, ազգային կառավարությունների և Եվրոպական հանձնաժողովի աջակցության կարիքն ունի:

Հանձնակատարը շնորհավորել է ԵՓՀ կազմակերպությանը՝ իր փորձնական ծրագրի հաջողության համար, մասնակցությամբ գրեթե 900 փառատոների, որոնք դիմել են՝ ստանալու ԵՓՀ գրիֆը: ԵՓՀ կարող է դառնալ որակի, նորարարության և ազդեցության մի օրինակ ողջ Եվրոպայում: Հանձնակատարը հաստատել է, որ Եվրոպական Միությունը և Եվրոպայի Խորհրդարանը պատրաստ են զբաղվել հետագա զարգացումներով, որոնք կհայտարարվեն շատ շուտով:

Հանձնակատարը ողջունել է ԵՓԸ-ի «Ատելյե երիտասարդ փառատոնի համար» նախաձեռնության երկարաձգումը և գովերգել ԵՓԸ-ին՝  երրորդ երկրների ընտրության համար: ԵՓԸ-ի այս վերապատրաստման ծրագրի իրականացումը Չինաստանում ԵՄ-Չինաստան ժողովուրդ-դեպի ժողովուրդ երկխոսության շրջանակներում մեծ նշանակություն ունի: Հանձնակատարը նույնպես ընդգրկված է հնարավորությունների որոնման մեջ, այնպես որ այս նախաձեռնությունն ապարդյուն չէ:

Այսօրվա հասարակության մեջ փառատոների պատասխանատվությունը ընդունված և համաձայնեցված է երկու կողմերի համար: Հանձնակատարը հայտարարել է. «Միջմշակութային երկխոսությունն օգնում է մեզ ինչպես բացահայտել, թե ինչն է տարբերակում մեզ միմյանցից, այնպես էլ հասկանալ, թե ինչ ընդհանրություններ մենք ունենք: Այն կարևոր է՝ հաղթահարելու համար անվստահությունն ու նախապաշարմունքները և վճռորոշ է՝ բացատրելու և կանխարգելելու հակամարտությունը ներքին միջավայրում և մշակույթների միջև: Ահա թե ինչպես է, ի վերջո, միջմշակութային երկխոսությունը մեզ թույլ տալիս կառուցելու համայնք Եվրոպայում»:

Նա նաև նշել է, որ «օժանդակելով միջմշակութային երկխոսությունը՝ Հանձնաժողովը հիմնվում է բազմաթիվ գործընկերների պատկերացումների, ցանցերի և կարողությունների վրա: Քաղաքականությունների և ծրագրերի այս բազմազան տեսականին կյանքի կոչելը հնարավոր չէր լինի առանց Եվրոպական խորհրդարանի, անդամ պետությունների իշխանությունների և մշակութային հաստատությունների, ինչպես նաև այնպիսի կազմակերպությունների, ինչպիսիք են Եվրոպական մշակույթի տունը և Եվրոպական փառատոնային ընկերակցությունը։ Մենք պետք է շարունակենք աշխատել միասին»:

ԵՓԸ շնորհակալ է փառատոների փայլուն խմբին, որը հանդես եկավ օրակարգում եղած թեմաների վերաբերյալ կարևոր և համապատասխան փաստարկներով: Հենց այդ խմբերն են, որ հետևում են այդ թեմաների և ներգրավման դրսևորումներին՝ կրկին իր ձեռքն առնելով դրանք այդ պահից մինչև հաջորդ 2017 թվականի կլոր սեղանը: 

2016 ՓԵՏՐՎԱՐ 18

ԿԱՐԴԱԼ ԱՎԵԼԻՆ